تورکون دیلی تک سو گلی ، ایستکلی دیل اولماز

ئوزگه دیله قاتسان ، بو اصیل دیل ، اصیل اولماز

ئوز شعرینی فارسا عربه قاتماسا شاعر

شعری اوخویانلار، ائشیدنر کسیل اولماز

فارس شاعری چوخ سوز لرینی بیزدن آپارمیش

صابر کیمی بیر سفره لی شاعر ، پخیل اولماز

سوز لرده جواهر کیمی دیر ، اصلی بدلدن

تشخیص وئرن اولسا بو قده ر زیر زیبیل اولماز

شاعر اولا بیلمزسن ، آنان دوغماسا شاعر

مس سن ، آبالام ، هر ساری کوینک قیزیل اولماز

چوخ قیسا بوی اولسان اولیسان جن کیمی شیطان

چوق دا اوزون اولما که اوزوندا عقیل اولماز